छत्तीसगढ़ टीचर्स एसोसिएशन गरियाबंद हर धरना स्थल म मनाइस छत्तीसगढ़ के पहली तिहार हरेली..
अनिश्चितकालीन आंदोलन के आज चौथा दिन म छत्तीसगढ़ टीचर्स एसोसिएशन हर अपन धरना स्थल गांधी मैदान के पंडाल म हमर परंपरागत अउ पहली तिहार हरेली ल अब्बड़ धूमधाम से मनाइस। आज के कार्यक्रम में सबले पहली सुघ्घर बने गुलगुल भजिया,अउ रोटी पीठा साथ म हुम गुलाल अउ बइगा महाराज संग संघ के पदाधिकारी पूजा पाठ, सुमर के कार्यक्रम ल चालू करिन। ओकर बाद पदाधिकारी साथी मन हरेली तिहार ऊपर परकास डालिस, कहिन कि हमर पहली तिहार सावन पवित्र माह म नागर,कुदारी,रापा,बईला अउ किसानी के जम्मो औजार ल धो के सुघ्घर पूजा पाठ करथन अउ अपन हुमन धूप देके चीला गुलगुला भजिया चढ़ा के अपन देवता ल सुमरथन, वइसने आज भूपेश बघेल ल गोहरावत हन।हमर अधिकार D.A. अउ HRA ल जल्दी दे साहब हमर स्कूल के लइका मन हमर अगोरा म हाबे। उद्बोधन के बाद प्रतीकात्मक रूप ले सजे बइगा महाराज शिक्षक खेलावन ध्रुव ल महंगाई भत्ता अउ HRA मांग के ज्ञापन सब्बो साथी मन के द्वारा सौपे गिन। संगे संग सब्बो झन हमर छत्तीसगढ़ के देवी देवता मन ल सुमरन करके भूपेश बघेल सरकार के सदबुद्धि बर कामना करिस।
आज के हड़ताल ठौर म- जिला अध्यक्ष परमेश्वर निर्मलकर, ब्लॉक अध्यक्ष जितेन्द्र सोनवानी,दिनेश निर्मलकर, सलीम मेमन, गिरीश शर्मा, जिला सचिव सुरेश केला, कोषाध्यक्ष नंद कुमार रामटेके,संजय यादव, इरफान कुरैशी, मुकुंद कुटारे, भगवंत कुटारे, संजीव सोनटेके, कृष्ण कुमार बया, रामखिलान ध्रुव, मनोज सिदार, जगत राम कश्यप, उमेश यदु, राजू ध्रुव, मनोज साहू, बुधराम जोल्हे, भोजलाल यादव, रोमलाल निषाद, कृष्ण कुमार यदु, योगश ध्रुव, मिथलेश नाग, रिखी राम बघेल, आगम दास साहू, खेमराज यादव, सरस सोम, गीतांजलि साहू, अनिता मेश्राम, सुनील मेहर, षडानंद सर्वांगकर,उमेश निर्मलकर, सुनील तिवारी, कोमल दीवान, परमेश्वर धृतलहरे, राजेन्द्र कुमार, भुवन लाल ध्रुव, के.ए.सिद्दिकी अउ अब्बड़ अकन शिक्षक साथी उपस्थित रहिन।
